Našli su se si ki su mogli prit. Susret potle 55 leta od ča su finili OŠ ‘Milan Brozović’ va Kastve
KASTAV – Potle 55 let od ča su va školsken lete 1968./1969. finili Osnovnu školu »Milan Brozović« va Kastve, našli su se si ki su mogli prit da bi poćakulali, pojili, popili i spametili se nemotarij ke su delali i povedeli ča su sada, ki je nono, nona, a bome vaje i pranona al pranono. Na kastavsken cimitere su važgali sveći na grobeh pet umrleh školarci, razredne učiteljice Milice Kukurin i razrednika Rudolfa Šturma. Slikali su se pred zgradun bivše osnovne školi, pa na Fortice opet ćakulali, kritikali i…
Prišli su: Zdenko Baćić, Blaženko Brnčić, Boris Grbac, Rozita Jardas (Mavar), Tatjana Jurčić (Terčić), Jadranka Jurdana (Seršić), Jadranko Kukurin, Elio Mohorovičić, Gordana Reicher (Mulac), Gorana Srok (Rubeša), Gordana Sušanj (Lukenda), Eda Škrobonja (Dukić), Vojmir Zamlić i Stojan Petrovski (do šestega razreda).
Spametili su se Željkota Marinca, Vitomira Mladenića, Jovice Rusmira, Zdenkota Sinčića i Ivota Tuhtana ki više nisu šnjimi.
Objava Našli su se si ki su mogli prit. Susret potle 55 leta od ča su finili OŠ ‘Milan Brozović’ va Kastve pojavila se prvi puta na Novi list.
pročitaj cijeli članak
